September 9, 2022
I kem ya kiwa dai drugs na Shillong da pteiñ biang hei miet ka 7 tarik da ki pulit ka Anti-Narcotic Task Force (ANTF) ka East Khasi Hills deiwa yoh kem sa soo ngut iwa da poi waroh 10 ngut du hapoh ar sngi ha Shillong.
Ya kiwa dang yoh kem da kem na Dhanketi heiwa le ngut da kem nei thaw yang Bus katwa kawi won na thaw pynyieñ kari ka Dhanketi.
Kiwa chah kem toh kiwa tip kam u Pollingstar David Nongsiej uwa tip leh kam u Lease (34 snem), u Haokholal Vaite (32 snem), u Thangabui Thado (44 snem) kiwa chah kem na thaw yang Bus katwa wa ka Jessie Lalsangzual (33 snem) da chah kem ko naka thaw pynyieñ kari.
Na kini da yoh wow kem 15 tylli ki tadong sabon wa le tylli ki tadong khian wa em 188.40 gms i Heroin wa chongdor T. 75 lak, 5 tylli ki Mobile Phones, ka Scooty Yamaha Ray ZR 125 kawa ym em Number waka poisa kawa T. 1,64,820.
Ya kini da takit da ki pulit ka Laitumkhrah Police Station.
Kam wow pynkynmoo wa ha ka 6 tarik da kem ya 6 ngut kiwa dai drugs na Shillong heiwa 3 ngut toh ki kynthai.
Puræ leh: Yoh kem ki pulit ya 6 ngut kiwa dai drug wa kynthup ya 3 ngut ki kynthai ha Shillong
