Sa uwi u bru ini won ha chnong Basara, Barabanki, Uttar Pradesh da uiñ u chawah chaneiñ deiwa rah lang wei khlieh ka kurim u ha kti u waka wait ha kawi won ka kti wei da wan kem ki pulit oo ha chiteiñ luti heipor wa dang lai u cha Police Station yow lai pyndem.
Uni u bru uwa tip kam u Anil Kumar Kannaujiya (30 snem) da chah pynbaad wa da ah u yei khlieh ka kurim u ka Vimla kawa 28 snem i rta neidaw wa suba u wa ya lai ko wa uwi won u bru.
Kini toh kiwa da dep bia la 8 snem wei katkam wa pyntip ki pulit da jooh mih i ya awri awra ki nachwa neidaw wa suba u yaka kurim u.
Ynnin da mih biang i yamai hapyrdi kini ki chi jur wei deiwa chrai da sai u da ka wait wei da ah u yei khlieh ka kurim u pyn hapoh i kamra wa sah ki wei da mih u cha lait khlem da sap juti deiwa rah wei khlieh ko ha kti dei thmu wow lai cha Police Station.
Ki paidbah wa yoo ya uni u bru cha sarok da sdang ki wow riñ Video wei da sdang i wow poor ha ki Social Media. Mar ya tip yeini ki pulit da lai ki cha ini i thaw wei da kem ki ya uni u bru.
Ki pulit da chem ki leh yei metyap ka kurim wei uni u bru toh uwa kreh kam u Mechanic.
Puræ leh: Deilang wa i khlieh ka kurim ha kawi ka kti waka wait ha kawi won uiñ u uwi chawah chaneiñ
Discussion about this post