Ka sorkar Assam ynne da saam ko ya 11,236 tylli ki chithi thung kreh namo ki Appointment Letter ha ki 24 tylli ki chnat sorkar kam chibynta i kular wow e kreh ya 1 lak ngut ki khynroo khyllood ka jylla chwa u kut uni u snem.
Ya kini ki chithi thung kreh da e kti da u Montri Rangbah ka Assam, u Himanta Bisma Sarma ha ka yalang wa da pynman ha Khanapara, Guwahati.
Na kini ki 11,236 tylli, 4,717 tylli toh kiwa da e ha ka chnat Puræ Puthi kiwa kynthup ya 712 ngut ki Assistant Professor ha kiwa boon ki College.
U Sarma da pyntip u wa ya kiwa yoh kreh toh deiwa pynman ya ki Exam wei da yoh kiwa poi chakhmat wei waroh da leh deiwa khooid.
Da khana u leh wa em sa 26,000 tylli ki kreh ha ka kyrdan Grade III wa IV kiwa daw pyndap noh wei daw pynbna yei lait kreh wa sa 10,000 tylli wei daw yarap seiñ khih ya 2 lak ngut ki khynroo khyllood deiwa pynchlur leh ya ki wow yaleh pyrchah ya ki kaam baam tooh.
