theme-sticky-logo-alt
theme-logo-alt

Pynkut noh ka HC ya ka PIL heiyatoh wa u sarok Borkhat-Sonapur

Advertisement ad1

Ka mukotduma PIL wa da yaleh da u Kynjaimon Amse heiyatoh wa u sarok Borkhat cha Sonapur da pynkut ko ya ka da ka Meghalaya High Court ha ka 21 tarik uni u bnai hadien wa da pyntip ka sorkar wow sdang chna noh ya uni u sarok.

Kani ka PIL kawa yatoh wa mynnu u sdang ka sorkar wow chna noh ya u sarok Borkhat-Sonapur uwa jrong 39.5 Km da e jubab ka sorkar hadien wa da phah ka yung bichaar wow khana bniah heiwa ka sorkar chwa katai ka sngi da ong ko wa ya u Contractor uwa da jied da phah ya oo wa hapoh 3 bnai u e u ya ka Detailed Project Report.

Advertisement ad1

Da pyntip leh cha ka yung bichaar ya ki tarik wow sdang yei kreh nadooh wow chna ya ki dooid, i siang moo, siang psiang, i chna ya ka yingkieñ wa kiwi kiwi de.

Da pyntip leh wa daw booh da ka yingkieñ naar namo ka Bailey Bridge kawa jrong 18 Meter kawa daw pyndep noh wei daw ye u sdang pynemkaam ha u Khonchonglad (Nov) 2022 wei ya u sarok leh daw pyndep heipor wa da booh.

Kamtæ ka yung bichaar da hun ko ya ini wa jubab ka sorkar wei da rai wow pynkut noh ya kani ka PIL.

Share this:
Previous

Wa chah pyndik ki paidbah ha ki BSF, kular u DC ka West Jaiñtia wow chimkhia

Next

Saam ka Assam ya 11,236 tylli ki chithi thung kreh sorkar