Ynne ka sngi, ka chnong Ladrymbai Datsimpein da sam ko ya u khoo wa da e da u MLA u yong ki u Kyrmen Shylla wa u MDC yong ki u Finelyness Bareh cha ki 168 tylli ki manyung wa dooh wa duk wa chem chitom ha ini i por wa em ka Lockdown.
Ya u khoo da saam da u waheh chnong yong ka chnong u Ti Suchiang hei emlang ki waheh wasian yong ka chnong hi.
Ka chnong da pynsñiaw ko yei sñiawngooh sñiawburom ya pyn arngut kini kiwa mihkhmat wa emburom ki yong ki kiwa e sbun mynsien ya ki manyung mansem kiwa chem jynjar ha ini i por.
“U Blai Trekirot u kyrkhu kyrdoh u ya ki, u sumaar sukher u ya ki yoh u nang ku ka ri wa maya yong i cha khmat da i yah luti ka yong ki,” da ong u Carmelo L. Lakiang, Secretary Ladrymbai Datsimpein.
Discussion about this post