Jowai: Ka Lion Sports & Youth Affairs, Mission Compound Jowai, ynne ka 10 tarik hadien wa dep pynkhle ko yaka Lucky Draw haka 4 tarik uni u bnai kam chibynta ka Fete ka Lion Mission Compound Dorbar Chnong, Jowai da saam ko cha kiwa eh bok eh nasib kiwa jop ya ki Prize ka Lucky Draw.
Haka yalang wa tbian wa pynman hapoh ka Auditorium Cum Sports and Cultural Hall ka dorbar chnong, da emlang u waheh chnong u Kerlang Lyngdoh uwa da pdiang sñiawbha ya waroh kiwa da emlang ha kani ka yalang, khamtam ya ki paralok parajor kiwa da jop ya ki Prize yong ka Lucky Draw.
Da yoh leh yei klam na u Pynhiam H Kharkangor uwa man leh uwa e buit ka Lion Sports And Youth Affairs (LSAYA), uwa da e khublei ya ka Dorbar Chnong wa da e laad ko ya ka LSAYA yow pynman ya kani ka Fete, yow pynmih poisa neibynta i dap 25 snem ka ka LSAYA, ha u 2021.
Kiwa jop ya ki Prize man ki kamni ha wah:
1st Prize- Dakihaoo Nongtdu- T. 100,000
2nd Prize- Newyearly Paswet- T. 50,000
3rd Prize- i. Wira Lakiang, ii. Freddy Passah, iii. Synroplang Sutnga, iv. Lakhon Challam, v. Ewanmiki Paswet, kiwa yoh mar T. 10,000 samen.
Discussion about this post