Ynne ka sngi ka Dorbar Chnong Moodymmai, da saam ko ya ki kymmor cha waroh ki thlu-yung wa em hapoh ka chnong.
Ya kini ki kymmor da yoh na u MLA ka thaaiñ uwa man leh u Montri ka sorkar jylla, u Sniawbha Dhar.
Ha kani ka sngi da em leh ka yalang wa tbian chwa wow saam ya kini ki kymmor heiwa da emlang leh u MDC ka thaaiñ, u Jesse Suiam, u Waheh Chnong, u Josep Pariat wa ki dkhot ka chnong hi waroh kawi.
Neiliang ka chnong pynsñiaw ko yei sñiawngooh ya u MLA heiwa lyngba ini i e sñiawbha yong oo da man ko i yarap wa khroo ya ki manyung hapoh ka chnong khamtam ha kini ki por wa kjam yong ka tlang.
Ki khon ka chnong da kitbok kitrwiang ki ya u MLA wow yoh u yei chait i khiah heiwa daw ye u wow kit u bah ya chiboon ki kaam yong ka chnong wa ka Constituency waroh kawi.
Kani toh katkam ka wyrta wa phah da u General Secretary Chnong, u Haunihiwot Pariat.
