Ka chnong Sonapyrdi ha ka 30-05-2020 da saam ko ya u khoo cha ki 81 tylli ki manyung wa dooh wa duk yong ka chnong.
Ya uni u khoo da e sñiawbha da u Syrosse Lamare uwi na u khynroo yong ka chnong uwa jooh noh kyllooid cha ki kaam chnong kaam thaw wei ha kani ka kynti da e u hadooh 16 churia u khoo wei da saam leh mar chiphaw kilo chi yung.
Ha kani ka sngi wa saam da emlang u Chairman ka chnong u Ning Mynthoi wa u President VDP u Boikmen Mynthoi wa kattu katni ngut ki bru rangbah yong ka chnong.
Neiliang ka chnong Sonapyrdi da pynsñiaw ko yei sñiawngooh ya uni u khynroo uwa da noh kyllooid cha kiwa chong chnong yong ka chnong khamtam ha kam kini i por Lockdown wa waroh ki manyung wa dooh da chem chitom ki wow pyndap pynbiang ya i emkaam yong ka yung ka sem.
Neiliang ka chnong ym em ko iyi iyi u su kylliang ya u Syrosse Lamare tangwa da booh ko yei duwai wa kyrpang yow yoh u yei chait yei nang wei khamtam leh u yoh u yei kyrkhu na u Blai yow roi yow paar u ha i kaam wa kreh u wei khamtam leh chooh chooh wow nang yoh u yei mynsien wa kyllooid ha ki por wa daw wan wow noh sñiawbha u cha ki bru wa dooh wa duk.
Kani man ka kyrwoh wa da phah da u Daiapherbha Lamare, Secretary Chnong Sonapyrdi.
Discussion about this post