ka Dorbar Chnong Wapung Chnong haka 30-04-2020, da yoh ko u saam ya u khoo wada yoh lyngba u MLA ka thaaiñ, u Kyrmen Shylla uwa man leh u montri yong ka sorkar jylla, uwa da e kyllooid mynsien cha ki khon yong ka chnong Wapung Chnong ha kam ini i por wa em ka khang chnong namo ka Lockdown pyrchah yaka khlam u COVID-19 heiwa ym yoh de ki bru u lai khih lai kreh.
Neiliang u waheh chnong ka Wapung Chnong, u Mutlang Dkhar, chwa wow e ya u khoo, da yoh yaki kyntien waiphang na oo heiwa da pynsñiaw u yei mynsien sñiawngooh ya u MLA uwa mihkhmat uwa da chimkhia wow yarap yaka chnong da u khoo. Hadien ini da yoh ya ki kyntien pynsñiawthooh yaki paidbah da u General Secretary chnong, u Yoobiang Dkhar heiwa kammon u yada ya jar jiar i doh i pran iwa emkaam tam hakini ki por kam wow yajngai iwi na i wi.
Neiliang won ka chnong lyngba u Asst. waheh chnong, u Chalanbha Dkhar da kitbok u ya u Kyrmen Shylla wow yoh u yei chait i khiah, i doh i pran wa khlan kamjooh ya kiwa ha yung ha sem yong oo khnang wow ye u wow e i chakri yaki paidbah ka Constituency ka jylla, wei hachwa u saam ya u khoo da yoh wow e i kyntien ngooh Blai na u waheh Thormos Dkhar
Kani toh katkam ka Wyrta na u Yeinlang Ryngkhlem, u Asst. Secretary Chnong.
Discussion about this post