Ha ka 25 tarik uni u bnai, u MDC yong ka Shangpung Constituency u J. Treilang Suchiang da lai saam u 10 tylli ki kor soor thad haka chnong Kyndongtuber kawa da pynyoh na ka 15th Finance Commission ka JHADC.
Ya kini ki kor, u MDC da e ha ki artylli ki Seiñ Kynthai, ka Seiñ Kynjoh Chaphrang Ki Kynthai Kyndongtuber wa ka Ryntih Lang Village Organisation (VO) Kyndongtuber.
Da ya emlang leh ha itai i saam kor soor thad wa u Waheh Chnong, Secretary Chnong, Secretary VEC wa ki Waheh Dong ha ka yalang wa tbian wa pynman ha Community Hall ka Dong Elaka Shangpung.
Hawa klam ha kani ka yalang, neiliang u MDC da pynsñiaw u yei sñiawkmen wa da yoh ya kani ka laad wow e yarap cha ki manbei khamtam lyngba ki Seiñ Kynthai wa ki SHG. U MDC da kyntu u leh ya kini ki seiñ wow pynemkaam hok ya kini ki kor khnang wow yoh myntoi wei yoh kamai lyngba ki kreh wa khian yong ki.
Da yoh leh i klam e khublei na u Pyllang Shyrmang, Waheh Dong wa na kiwa yahkhmat yong kitai ki seiñ kynthai.
Ka kyrwoh wa da phah na u Shiwa Siangshai, Waheh Chnong Kyndongtuber.
