theme-sticky-logo-alt
theme-logo-alt
Advertisement ad1

Sdang khang ki ri yei wan kiwa na Africa wa em u jait Coronavirus wa thymme

Ka World Health Organisation (WHO) da pynbna ko yei khuslai wa da mih sa uwi u jati khñiang Coronavirus namo u COVID-19 wa thymme uwa da e pyrtuid Omicron. Uni toh uwa da kylla biang hei long i man ha iwa boon jait wei da man u leh uwa khlan bha u poor, da ong ka WHO.

Ya uni u jait da chem nyngkong na South Africa wei da pyntip cha ka WHO ha ka 24 tarik uni u bnai wei da chem ya oo leh ha Botswana, Belgium, Hong Kong wa Israel.

Da em ki ri leh kam ka USA kawa da khang yei wan ki bru kiwa na South Africa, Botswana, Zimbabwe, Namibia, Lesotho, Eswatini, Mozambique wa Malawai katwa ki ri wa em hapoh ka EU u khang ki nadooh ka sngi nyngkong ka tayaw wow wan.

Uni u jait thymme chwa wow e pyrtuid ya oo kam u Omicron da tip kam u B.1.1.529 heiwa nyngkong da chem ya oo ha ka 9 tarik uni u bnai na uwi u bru.

Hanla kattæ leh daw chimpor sa kattu katni tayaw yow sñiawthooh yei rukom man uni u khñiang.

Neiliang ka ri India da phah ko ya waroh wow pynkhor bha yei sylli ya kiwa wan napoh ka dawbah Africa wa Hong Kong.

Neiliang ka WHO leh da pynchlur ko wow khang yei lai i wan cha kini ki ri wa da em uni u jait khñiang thymme.

Kiwi de ki ri wa da pynbna yei khang yei wan kiwa na kini ki ri na Africa toh ka Australia, Japan, Iran waka Brazil.

Share this:
Previous

Saam kor soor thad u Treilang Suchiang ha Kyndongtuber

Next

Du ha East Khasi Hills kiwa dang yoh COVID-19 ha Meghalaya