theme-sticky-logo-alt
theme-logo-alt

Saam marbaam ka seiñ SBYWA ya ki manyung wa ki chnong ha khappood

Khliehriat: Ka seiñ Southern Border Youth Welfare Association (SBYWA) ha kani ka 5 tarik hapoh i yahkhmat u Namphrangmi L Talang, General Secretary wa ki dkhot yong ka seiñ da lai saam marbaam ki da u khoo, u dai wa i phniang cha ki 36 tylli ki manyung ki le tylli ki chnong khappood wa kynthup Lakadong Umlatdoh, Ladlakadong wa ka Umlyngsha. 

Ya ini i e yarap da pdiang sñiawbha da kiwa kitkaam chnong yong kitai ki le chnong kiwa pynsñiaw yei sñiawngooh ya ka seiñ yei yarap ko ya kiwa emkaam kam kani ka por kawa ki bru ym em yoh laad de ki u lai kreh lai khih næ ym em de wa khut kreh mylla ya ki nadooh wa em kani ka Lockdown pyrchah ya u COVID-19.

U wa yahkhmat yong ka seiñ da ong u “E khublei ya kiwa kitkaam chnong kiwa da jied ya ki manyung wa dooh neibynta wow yoh ki ya ki laad yarap yong ka seiñ hanlada man iwa khian leh tæ da kyntu ya phi wow pdiang da i mynsien wa kmen neibhah kam ka Association u pyrchang bait ko wow yarap katkam i kot bor yong i”. 

Chooh chooh da u ong leh wow pteiñ wow yarap neipor cheipor ya kitu ki manyung wa emkaam yarap hapoh ka thaaiñ ha iwon iwon i por wei kamjooh cha kiwi de ki chnong kiwa dang haap hapoh ka chnat krehkaam yong i heiwa daw thooh laad thooh luti ko neini chakhmat.

Share this:
Previous

SK Oil Wholesale Traders and Chakki Mills to open for lifting of stocks

Next

Wai u Conrad ya ka Corona Care Center ha IIM Umsawli