Ynne ka sngi, ka seiñ West Jaiñtia National Council (WJNC) deiwa yahkhmat u President yong ka u Kitboklang Dkhar wa u Asst. Secretary u Osmon Passah da lai saam ki da u khoo wa u dai ya ki 25 tylli ki manyung wa dooh wa duk kiwa chah ktah hakani ka Lockdown.
Hawa klam chwa wow saam ya kini ki marbaam, u Kitboklang Dkhar da ong u wa ka seiñ da wan ko wow e yarap katwa chah i bor neibhah ka seiñ sñiawthooh ko yei eh i khoo yong kiwa dooh wa duk kam ha kini ki por neidaw i khang chnong wow yada na u COVID-19.
Neiliang ka chnong da emlang u waheh chnong, Secretary chnong, Secretary VEC wa u Secretary Dong. U waheh chnong da pdiang sñiawbha u yei wan e yarap ka WJNC wei da sñiawngooh u yeini neibhah man i ka laad yarap ya kini ki yung wa kutlaad.
Da e u leh yei kyrkhu kyrdoh wa ka seiñ u nang ku ko chaphrang haki kaam chakri yaka jaitbru wei da ngooh yow Blai u emlang u wa ka seiñ.
Heipor wa saam yaki marbaam, da bood yei yajngai uwi na uwi (Social Distancing) wa i deiñ yaki Mask.
Kani toh ka wyrta na u Dasumar Shylla, Secretary Chnong Kyndongtuber.
Discussion about this post