15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Saam marbaam u Firstborn Manner yaki manyung wa dooh ka chnong Kharkhana

0 Comments

U Firstborn Manner uwi na kiwa chong chnong na ki thaaiñ War Jaiñtia ynne ka sngi heipor 1:00 waje i sngi da e sñiawbha u da ki marbaam mardih cha kiwa chong chnong ka Kharkhana, Amlarem Block, ka chnong kawa em ha ki thaaiñ khappood wa ka ri Bangladesh.

Lyngba ini i e sñiawbha da yoh myntoi hadooh 40 tylli ki manyung kiwa wan na ki manyung wa dooh wa kyrdooh. Ha chwa wow saam yaki marbaam, da em ka yalang wa tbian wa pynlai da u waheh chnong ka Kharkhana u Deilang Lamare.

Ha i klam wa tbian u Firstborn Manner, da pynsñiaw u wa da yarap u yaki bru kiwa emkaam yarap kam ha kini ki por ki wym yoh laad wow lai kreh wa em ka khlam COVID-19 kamjooh wa em ka Lockdown.

Da pynsñiaw u wa ini i leh yong oo ym toh deiwa em i pyrkhat cha kylla ki sngi wow wan, wei toh du nei sñiaw hi ha oo samen deilang wa kiwa hayung hasem yong oo kammon wow yarap para bru ha kam kini ki por wa kyrdooh.

Ha kani ka sngi saam marbaam da emlang u waheh chnong ka Kharkhana, kiwa kitkaam chnong, kiwa yoh myntoi waki lok wa wan lang wa u Firstborn Manner, pynkut ka khubor na u Assistant Secretary u Deimonmi Bareh.

Previous
Next

0 Comments

Leave a Reply