Jowai : Katkam wa yah ka juk wa katni da ong wa waroh ki skur emkaam u sdang u sikai ya ki khynnah lyngba ka stat computer kamtæ ynne ka 30 tarik ka Rotary Club Jowai da chimkhia ko yeini deiwa saam ko ya ka projector wa da chna kyrpang ha kawi na ki skur wa em hapoh Mihmyntdu ya kawi ka skur kawa da tip kam ka RC Evening Upper Primary School (Centre Out Of School) Mihmyntdu.
Ya kani ka projector wa da saam da em leh ka programme neibynta ki subject Maths & Science nadooh class 1 hadooh class 10 kawa da thmu u pynsuk yei sñiawthooh ki khynnah skur wow sñiawthooh ki ya kini ki ar subject.
Ha chwa wow saam ya ki projector da em ka yalang heiwa da pyllai da ka Head Teacher ka skur ka kong Jessica Biam, heiwa da yoh leh yei klam na u President ka SMC, na ka Charter President ka Rotary Club Jowai ka kong EF Gatphoh wa na u a Fr. Hilarius Lamare.
Ya kani ka projector da wai da ka President ka club ka kong T.B. Tongper.
Discussion about this post