Ka MLA ka 5- Sutnga-Saipung Constituency, ka Santa Mary Shylla, ynnin da saam ko ya ki Tablet cha kiwa kreh ASHA wa kiwa yarap ya ki ha East Jaiñtia Hills District ha ka yalang wa da pynman ha Conference Hall u Deputy Commissioner ka East Jaiñtia Hills District deiwa emlang u DC, u Shivansh Awasthi, ka Additional Deputy Commissioner, ka J.U. Kharpuri, u District Medical and Health Officer, u Dr. D. Shylla wa kiwi de.
Ka MLA hawa e yei klam da pynsñiaw ko yei sñiawngooh ya ki ASHA wa kiwa yarap ya ki yei kreh chitom ki wow wanrah yei chait i khiah hapoh ka imlang sahlang wei da khana ko leh yeiwa da leh ka sorkar yow yarap ya ki heiwa kini ki Tablet man ki leh kam chibynta wow pynsuk yei chim yukheiñ yow pyntip yei kaam wa da leh ki.
Da klam ko leh wa hadooh katwon yarap ki ASHA ya ki kynthai wa punkhon wei da pynchlur ko leh ya ki wow sikai ya ki paidbah wa chong chnong yei emkaam wow syndong ki yei chait i khiah wei heijooh i por leh yei emkaam wow lai kha khon ha ki thaw sumaar.
Kini ki Tablet toh kiwa da pynyoh hapoh ka National Health Mission (NHM) yow pynsuk yei pynlang pynlum yei yukheiñ kamjooh wow phah Report ki AHSA deiwa pynemkaam da ka juk kawa katni.
Hapoh kini ki Tablet da em ki App kiwa da chna kyrpang neibynta iwa emkaam ki ASHA hawa kreh ki.
Discussion about this post