U Montri Rangbah ka jylla, u Conrad K Sangma, ynne ka sngi da pynlait paidbah u ya ki Special Postal Cover u Pa Togan N Sangma wa u soh Citrus Indica (Memang Narang) ha ka yalang wa pynman ha Williamnagar deiwa emlang leh u Govt Chief Whip, u Marcuise Marak wa u Saleng A Sangma, MLA.
Ya kani ka Postal Cover da pynlait kam ka dak lehkmen yei dap 75 snem i yoh laitlooid ka ri kawa da e pyrtuid ka Azadi Ka Amrit Mahotsav.
Hawa pynlait ya ka Postal Cover uni u khlawait ka jylla, u Conrad Sangma da ong u wa ini toh iwa yahaap bha wow kynmoo warom ya uni u bru wa khroo na Ri-loom Garo.
Da khana u leh wa ka sorkar daw e yarap poisa kyrpang ko yow chna ya ki thaw wow kynmoo warom ya u Pa Togan Sangma ha Chisolbibra iwa em hajan ka Williamnagar, East Garo Hills.
Ha kani ka jooh ka sngi, u Conrad K Sangma da ekti u leh ya ki Graduation Certificates cha ki khynnah ka Aspire Meghalaya, ka e sikai wa kyrpang ka chnat Arts & Culture Department ka Meghalaya kawa da yoh yarap na ka Ministry of Tribal Affairs, ka sorkar India.
Ya i e sikai hapoh ka Aspire Meghalaya da pynman daka Avenues kawa na Shillong kawa da e ya ki Soft Skill & Communications Training.
U Conrad da saam u leh ya ki Tablet wa ki kot cha ki 30 ngut kiwa man kam ki Super 30, kawa da sdang da ki bor District ka East Garo Hills. Lyngba ka Super 30 Programme da jied yak i 30 ngut ki khynnah skur ka District kiwa da yoh sikai kammon wow jied ya ki laiñ puræ wa yahap wa ki.
Ha Williamnagar hi, u Conrad da saam u ya ki Cheque wa chongdor waroh T. 9.65 Lak cha ki warep hapoh ka FOCUS kawa da pynkrehkaam da ka Meghalaya Basin Management Agency.
Neiliang u Conrad da kular u ya ki warep wa ka sorkar u pteiñ ko wow e yarap ya ki wei ki man ki kiwa em hakhmat dooh hei kreh ka sorkar.
