U Montri Rangbah ka jylla, u Conrad K. Sangma ynne da saam u ya ka yarap poisa cha ki khynroo khyllood hapoh ka Youth Engagement through Empowered Youth Organisations (YESS) kam chibynta leh ka International Youth Day.
Ka poisa wa da saam da poi ko T. 29.60 lak kawa da saam cha ki 61 tylli ki dhab (Group) kiwa ye u pynhun ya ki kyndon yow pynkhlan wei pynkupbor ya ki khynroo khyllood. Da saam leh saam T. 3 lak cha ki 61 ngut kiwa yoh takma ha ki yalehke wa boon jait kiwa pynman hapoh ka jylla. Waroh da em 2000 ngut ki khynroo khyllood na kylleiñ ki District ka Garo Hills kiwa da yalang ha madan ka Tura, Government College yow lehkmen ha kani ka sngi.
Ha Meghalaya 74% kiwa chong chnong toh kiwa em 35 snem i rta wei da em 3000 tylli ki Youth Club kiwa da tipmit ha kylleiñ ka jylla. Lyngba kani ka YESS ye ki khynroo wow yaleh yow yoh ya ka yarap poisa wa T. 1 lak kawi ka Group.
Kiwa kwah u tip chooh chooh chaphang kani ka YESS ye ki wow lai ha ka http://www.yessmeghalaya.in/.
