theme-sticky-logo-alt
theme-logo-alt
Advertisement ad1
Advertisement ad1

Wai u Conrad ya ka thaw sah ki manbei wa punkhon

Advertisement ad1

U Montri Rangbah ka jylla, u Conrad K Sangma ynne da wai u ya ka Motherhood Transit Home ha Asanang hapoh ka Rongram Block, West Garo Hills kawa da chna hapoh ka Chief Minister’s Safe Motherhood Scheme kawa man kam ka thaw sah neibynta ki manbei wa punkhon kiwa da jan kha khon yow em ki chajan ki thaw sumaar yow ye u pynduna yei khlaad heipor wa kha khon.

Hapoh ka State Health Policy 2021 da jied ya ka Maternal Mortality namo i khlaad ki manbei kam ka phang wa khia bha heiwa da em hadooh 248 ngut kiwa khlaad ha u snem 2020-21. Ka Chief Minister’s Safe Motherhood Scheme (CM-SMS) i thong ko toh wow pynduna yeini deiwa smat.

Advertisement ad1

U Conrad hawa e yei klam da ong u wa ka sorkar da chimkhia ko ya ki manbei wa punkhon wei ka thong toh wow pynboon yei kha khon ha ki thaw sumaar.

Ha kini ki Transit Home kitu ki manbei wa em hei maa daw yoh thaw sah ki, i baam kamjooh i thaw neibynta ki khon ki heiwa da krehlang wa ki bru samen yow li thooh li booh ya ki manbei kamjooh kiwa hayung hasem ki.

Ka thong leh toh wow pynchlur ya ki kurim wow lai lang ki wa ka kurim ki deiwa e poisa kawa T. 1000 samen yow lait ki u dooh ya ka nong sngi.

Daw e khusnaam leh cha ki chong wa lehbha dooh hapoh kawi kawi ka PHC chisien chi snem.

Da khana u leh wa 80 tylli ki PHC da dep ki wow pynkhreh yow booh ya kini ki Transit Home hapoh ka jylla.

84 tylli ki PHC da pynkhreh kari ki wei da booh thong T. 36 klur deilang wa ka JSY wa JSSK kamjooh.

Da khana u leh wa ki manbei wa yap da hiar ki da 35% ha kini ki 6 bnai hawa nujor wa u snem wa da dep.

“Ka Infant Mortality katni da em ko 29 Point hawa nujor waka ri iwa 28 Point neibynta u snem 2020-21. Wei u yaleh i wow pynhiar yeini bar ya ka yong ka ri,” da ong u Conrad.

Share this:
Previous

Saam u Conrad palat T. 29 lak cha ki khynroo hapoh ka YESS

Next

Wai u Conrad ya ka CM Youth Centre kiwa daw booh ha kylleiñ ka jylla