Jowai: Ka Khasi Students’ Union (KSU) Narpuh Circle ynne ka sngi da yoh ko wow saam mynkna da ki riam Uniform cha ki khynnah skur ka Mawjam LP School Dong Nongkwai Huroi.
Da em hadooh 40 ngut ki khynnah skur kiwa da yoh pdiang ya ki Uniform wa wan sakhi da ki bei ki pa yong ki khynnah skur wa ki dkhot ka School Managing Committee kiwa da pynsñiaw yei sñiawngooh ya ka seiñ yeini i lehbha ka seiñ kamni.
Ka seiñ da pynsñiaw ko leh yei kmen wa yoh ki kam kani ka laad wow yarap ya ki khynnah skur khamtam cha ki thaaiñ nongkyndong wa sah cha khappood wa ka ri Bangladesh.
Ha chwa wow saam ya ki Uniform, da yoh yei klam tbian na u KS Suchiang President KSU Narpuh Circle, na u Sanatomba Bamon, Education Secretary KSU Narpuh Circle, na u Secretary School Managing Committee wa na u Poly Vice President KSU Huroi Unit.
Katkam wa pyntip u Secretary ka SMC, da sdang ya kani ka skur ha u snem 2008. Ka skur man ko leh kawa da tipmit da ka sorkar, katwa yei su tulop ya ki ar ngut kiwa sikai won da e da ka Dong Nongkwai wa i e sñiawbha ki paidbah.
Ini toh katkam wa pyntip da u EL Gympad Asst. Education Secretary KSU Narpuh Circle.
Discussion about this post