Sah ram ka JMB T. 5,84,280 ha ki dong ka chnong Jowai

Jowai: Katkam i jingkheiñ wa da yoh na ka ophis u DC ka West Jaiñtia Hills hadooh ka 15 tarik u Wisu (March) yong uni u snem 2016 da ong wa hapoh ka Jowai Municipal dang sah sa T. 5,84,280 wa ym pu dep su ki dong ka chnong Jowai cha ka Jowai Municipal Board (JMB).

Ini toh na ki 24 tylli ki dong wa kynthup ya ka Loomparait, Mooralong (Memory Colony), Mookyrdup, Tyndowapung, Dongmihsngi, Ladthadlaboh, Caroline Colony, Loom-Soo-Iung New Hill, Moosalyngkat, Salaroh, Tympang-Iawmusiang, Mynthong, Khliehmynkrem, Chutwakhu, Khimusniang, Umchangiar, Chilliangraij, Loomkyrwiang, Lion Mission Compound, Loompyrdi Iongpiah, Loomiongkjam, Panaliar, Dulong wa ka Tpep-pale heidor T. 30 chi yung i bai kit jhep.

Na waroh ki dong wa su tista dooh toh ka dong Tpep-pale, Mynthong, wa ka Tympang-Iawmusiang.

Ka Tpep-pale ka wa em yung 133 tylli da su ko T. 3990 chi bnai. Ka Mynthong  wa em 310 yung da su ko T. 7500 chi bnai. Ka Tympang-Iawmusiang wa em 435 yung da su ko T. 12,000 chi bnai.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kawa boon dooh wa sah ram toh ka dong Mooralong (Memory Colony) heiwa dang haap su ko sa T. 94,500 weiwa ym em de u su ko nadooh u Naisan (May) yong u snem 2013. Ha kani ka dong em 90 yung wei chi bnai da poi T. 2,700 i bai kit jhep.

Ka Dongmihsngi leh kawa ym em su nadooh u bnai January 2015. I bai kit jhep yong ka toh T. 3600 na waroh ki yung heiwa da sah ka poisa T. 54,000 wa ym pu em dep su.

Ka Ladthadlaboh ka wa em 215 yung haap su ko T. 6,450 chi bnai tangwa ym em de su ko nadooh u Wisu (March) 2015 heiwa da sah ka poisa T. 83,850 wa ym pu em dep su.

Ka Chutwakhu, Loompyrdi Iongpiah wa ka  Loomkyrwiang toh kiwa ym em de u su nadooh u Naichiphaw (October) 2015. Ka Chutwakhu dang sah sa T. 32,940, ka Loomkyrwiang dang sah sa T. 7,200 katwa ka Loompyrdi Iongpiah dang sah sa T. 25,200.

Ka Lion Mission Compound kawa ym em de u su nadooh u Wisu 2015 heidor T. 3,540 na ki 118 tylli ki yung dang sah sa T. 46,020 wa ym pu em dep su ko.

Kamtæ na waroh ki dong hadooh ka 15 tarik u Wisu ka JMB da pyllang T. 35,18,640 na ka T. 41,02,920 wei dang sah sa T. 5,84,280 wa ym pu em dep su cha ka.