Shillong: Ka yalang ka jylla wow pynlait yaka Special Summary Revision (SSR) ka Photo Electoral Roll deiwa booh yaka 01-01-2021 kam ka Qualifying Date namo ka tarik wow kheiñ ya kiwa da dap 18 snem, da pynman yaka ynnin ka sngi ha Conference Hall ka Deputy Commissioner, East Khasi Hills District, Shillong.
Yaka yalang da pynman da u Chief Electoral Officer, Meghalaya deiwa ya krehlang wa ka yung krehkaam u District Election Officer, East Khasi Hills District.
Hawa e yei klam hakhmat ki ERO, AERO, BLO, ki Supervisor wa kiwa mihkhmat ki seiñ saiñ hima sima, u F. R. Kharkongor, Chief Electoral Officer, Meghalaya da pyntip u wa ka Meghalaya naki 20,21,000 ngut kiwa da emhok wow thap Vote, 19,60,850 ngut toh kiwa da dep em pyrtuid kam kiwa thap Vote wei dang sah sa 60,962 kiwa ym pu em pyrtuid heiwa 49,445 ngut toh kiwa em ha East Khasi Hills District. Kamtæ lyngba ki SSR da thmu wow thap pyrtuid ya kiwa ym pu em pyrtuid.
Da pyntip chooh chooh u wa ka Election Commission of India da pynchlur ko ya kiwa chong chnong wow leh daka Online Registration deiwa booh da ki ktien wa ong “Why stand in line when you can go online” iwa mut yow krum u yieñ laiñ hawa ye u leh Online tangwa neidaw wym biang ka Internet Network da pynemkaam ya ki 600 tylli ki Community Service Centre yow yarap ya kiwa sah cha palatsor heiwa yaka Online Registration ye wow leh deiwa lai ha www.nvsp.in wa haka Voter Help Line Mobile App.
Ka I. Laloo, Deputy Commissioner, East Khasi Hills District da ong ko wa ka SSR toh kawa ym hoi u dam u leh yow yoh yaka Electoral Roll kawa chait wa khiah. Deiwa pyntip leh wa ka SSR i thmu yong ka toh wow thap pyrtuid ya kiwa da dap 18 snem, yow pynbait ya iwon iwon i bakla, da pyntip ko leh wa da e sikai neibynta ki ERO, AERO, BLO waki Supervisors kamjooh wow leh yaka SVEEP deiwa bood yaki kyndon wow yada na u COVID-19 katkam wa da booh daka Election Commission of India.
Ha kani ka sngi da saam leh yaki BLO Kit; ka Guidebook – Broad Guidelines for Conduct of General Elections/Bye Elections during COVID -19 wa kiwi kiwi.
