Ka sorkar jylla dang sah ko wow su sa du Rs. 27 klur tam na ka Rs. 98 klur tam cha ki 201 ngut kiwa kreh wa ki Supplier ka karkhana Mawmluh Cherra Cement Limited (MCCL) ha Sohra kawa da khang noh kam wow e khublei kti khaddooh.
Yow su ya kawa dang sah daw pyndep ha u snem mang tangka 2026-27 wow wan.
U Symbood Montri Rangbah uwa pait ya ka chnat karkhana, u Sniawbhalang Dhar da pyntip u yeini hapoh ka yung dorbar chna aiñ ynne ka sngi yeiwa da kylli da u Ardent M Basaiawmoit wa lada waroh i su dadep cha ki Contractor, ki Supplier kiwa wanrah mooyong wa kiwi ki tiar ki tar cha MCCL.
Heijooh i por, u Montri Rangbah, u Conrad K Sangma da pynraplang u wow jubab deiwa ong wa ka sorkar dang yasyllok ko wa kiwa boon kam u Syiem ka Hima Sohra, ka chnong wa kiwi de neibynta wow pynkylla noh ya katai ka thaw wa em ka MCCL cha ka thaw neibynta kiwa uiñke suwari kawa ye wow man leh heidur ka Resort næ Hotel tangwa ka sorkar daw ap chwa ko katkam wa kwah ki bru katai ka thaaiñ.
Discussion about this post