Ka Khasi Students’ Union lyngba ka Employment Monitoring Cell, ynne da lai ujor ko cha u Montri ka chnat Bordiñ, u AT Mondal hajrong i wym pyndep yei thung kreh Assistant Engineer hapoh MeECL kawa dadep wow pynman yaka Written Test nadooh u snem 2019, tangwa hadooh katni ym pu em khut pynman yaka Personal Interview.
Neiliang ka seiñ da pynsñiaw ko yei lyngngoh wa u AT Mondal ym tip u yeini i sahkut ini i thung kreh.
Neiliang u Rueben A Najiar, Chairman ka Employment Monitoring Cell da ong u wa da em 24 ngut kiwa da cha jied wow yaleh yaka Personal Interview neibynta kani ka kaam tangwa hadooh katni ym em chikhia yeini, wei da khana u leh wa i yachem wa ki heh ka MeECL da pynsñiaw ki wa i wym pyndep ya ini i thung kreh toh neidaw wym em poisa.
Ha iwi won i liang, kiwa yahkhmat ka KSU da pynsñiaw ki leh hakhmat u Montri yei chem ya ki kaam baam tooh hapoh ka MeECL katkam ka Report ka Comptroller & Auditor General of India 2022-23 wei da khana ki leh wa kammon wa da pynsangeh yei thung kreh neidaw wym em poisa tangwa ki kaam baam tooh roi ki ha kani ka chnat.
Discussion about this post