Ka dhab ki Montri ka sorkar MDA-II da mynjur ki wow pynyinsur yaka samoi krehkaam yong ki ar tylli ki Autonomous District Council, kitæ ka KHADC wa JHADC da 6 bnai, iwa mut wa yaka Election MDC ha kitai ki ar tylli ki District Council ym pu pynman ka.
Hawa klam cha ki laad pathai khubor, u Symbood Montri Rangbah uwa pait leh yaka chnat District Council Affairs (DCA), u Prestone Tynsong da pyntip u wa ka sorkar da yoh ko yei kyrpaad na ki ar tylli ki District Council wa kamjooh na ki Delimitation Committee wow pteiñ yaka samoi krehkaam neibhah daw hap pynbait chwa ya ki Constituency.
U Prestone da khana u wa hadien wa da bichaar yeini wa da kyrpaad, ka sorkar da rai ko wow pynyinsur yaka samoi krehkaam da 6 bnai, wei daw phah yei rai cha u Lat ka jylla yow e u yei mynjur yow phah pynmih dei pynbna.
Ka samoi krehkaam yong ki ar tylli ki District Council, kitæ ka KHADC wa JHADC toh kiwa daw kut noh haka 04-03-24 wei neiliang u Prestone da ong u wa ini i pynyinsur daw krehkaam ko nadooh ka 05-03-24 neibynta ki 6 bnai.
Discussion about this post