Soo ngut ki khynroo kiwa ar ngut ki chynrang wa ar ngut ki kynthai da lait im ki hadien wa ka Mahindra Thar wa yah ki da sahkut ko ha ka wah Balason hadien wa heh syndet ka um kawa em ha Darjeeling District ka West Bengal.
Ini da jia i ha ka 14 tarik uni u bnai heipor janmiet wei ki Video wa mih da yoo ya ki paidbah leh kiwa da booh hei maa pyn ya idæ yow pynlait im ya kini ki soo ngut deiwa pynemkaam da ki tylle.
Ini da jia i ha i thaw wa tip kam i Dudhia iwa man i thaw wa ka-it bha ki bru u lai baamdoh harood ka wah Balason, tangwa kini ki soo ngut da pyrchang ki wow pynemkaam da ka kari yow lai cha chiliang ka wah.
Ka Thar ki da sahkut ko hadien wa heh syndet ka um neidaw wa joor slap heiwa da sahkut ka kari ha pyrdi ka wah wei da hap ki wow ku hajrong ka kari.
Ki paidbah wa wan yarap da kawang ki da ki tylle yow taan ki uwi hadien kawi heiwa kawi na ki da chah kit ko ha ka um ka joor tangwa da embhah wa da yoh u ksoh ka wei da taan ka charood um.
Waroh soo ngut da embhah ki wow yoh u poi cha rood ka wah hawa pait yei rukom khlanbor ka um.
Discussion about this post