Jowai : U surok Jowai-Malidor man u u thiedsnam ki bru khamtam yong ki jylla wa em cha thaiñ mihsngi. Katkam wa man katni uni u surok da sih bha u khamtam ka yingkieñ Sonapur kawa da jæd da piah bha ko heiwa yoh u sakhi wa da mih ki nar na ka weiwa da piah ki side railing kiwa em ha kani ka yingkieñ. Ini i man kani ka yingkieñ booh ko yei ma ya kiwa lai wa wan ha ka.
Ki paibah kiwa lai wa wan na uni u surok da ood da khñium ki neidaw wa sih uni u surok.
“Daw hap u chong sngi wa kjut doh dei wym yohsa hap lai i lyngba yong oo” da ong u Shankar Das na Silchar uwa lai cha Guahati lyngba uni u surok.
Kam wow pynkynmoo heini ya kani ka bynta uni u surok da pait da yoo da ka GREEF (General Road Engeneering Force) weiwa nadooh u snem 2010 da chim kti noh ya oo da ka PWD yong ka jylla.
Katkam ki yutip kawa da yoh da ong wa u pynkmai noh ya uni u surok cha ka 2-Lane weiwa do booh leh yei dor wow chna ya oo hadooh T. 368.88 klur.
Hei yaklam wa u waheh chnong ka Umkiang u ma Silent Sutnga ong u wa hadooh leh ki paidbah dang yang ki ya ka baithaw (Land Compensation) na ka sorkar.
Discussion about this post