Ha i jia wa phylla heiyatoh wa ki kaam poisa, da em le ngut kiwa kreh ka State Bank of Sikkim (SBS) kiwa da pynemkaam bakla hadooh Rs. 69 klur na kani ka Bank.
Neiliang ka State Bank of Sikkim (SBS) da ujor FIR ko pyrchah ya ki le ngut, kini toh u Dorjee Tshering Lepcha, General Manager (Operations), u Tsewang Dorjee Lepcha, Assistant Manager (IT) wa u Tilak Rai, Senior Accountant Assistant heiwa ya kani ka FIR da Register haka 14 tarik uni u bnai.
Kini ki le ngut toh kiwa kreh ha Headquarter kani ka Bank ha Gangtok, wei da chah pynbaad ki wa da sai ki hadooh Rs. 69 klur na kani ka Bank deiwa wai da ki Fixed Deposit hei pyrtuid kiwa kreh sorkar wei da pynemkaam ki yaka poisa wow thied thaw, u thied Mutual Fund, ki Share hei pyrtuid yong ki hi deilang hei pyrtuid kiwa ha-yung ha-sem ki.
Hadien wa takit bha da chem wa pynemkaam bakla ki ya ki Account wa kynthup ya ka Account Number 2811100148000030 hei pyrtuid ka Assistant Engineer ka Roads and Bridges Department, ka sorkar Sikkim wa ka Account Number 2811100140225661 hei pyrtuid ka Chung Chung Bhutia ka kurim u Dorjee Tshering Lepcha kawa kreh kam ka Engineer hapoh kani ka chnat sorkar.
Neiliang ka Bank da kyrpaad ko ya ka CID wow ksoh ya ki Account kini ki le ngut wa kiwa ha-yung yong ki kamjooh ki thaw ki bhaw wa da thied ki.
Ka SBS da ye ko wow chemdien hadooh Rs. 50-52 klur i thaw wa da pynemkaam ya kani ka poisa wei kawa dang sah kawa kamwa Rs. 19 klur ym pu tip tikna cheiwon lai ko.
Da pynngat leh ya ki le ngut hapoh ki kyndon ka Indian Penal Code waka Information Technology Act, 2000.
Discussion about this post