Sai ki Doctor ka Dr. Norman Tunnel Hospital ya u Pin uwa psiah chadooh cha rupai u khynnah wa 13 snem

Ki Doctor yong ka Dr. Norman Tunnel Hospital Jowai hapyrdi i dooh kyrmen wow yoo yei chitom uwi u khynnah wa 13 snem i rta, uwa da bakla ngooid ya u kynja kajar wa tip kam u Push Pin iwa da jia heipor wa pynemkam tynrooh lamieñ u hadooh wa psiah chadooh rupai u, kamtæ hadien i kreh chitomlang nadooh ki Doctor wa ki Nurse wow thooh ki buit ki laad neibhah wym em biang ki tiar wa toh neibynta u sai ya uni u Pin, tangwa hei khaddooh da ye ki u sai cha lait khlem iwon iwon i mynsoo uni u khynnah.

Yeini da leh ki Doctor dei mynjur ka bei uni hi u khynnah kawa da ong wym bien de ko u lai chawi, wot hawa da pynche ki wym em ki ki tiar wa biang wa tikna wo leh yeini.

Uni u khynnah da ngooid u ya uni u Pin hei step ka 25 tarik uni u bnai wei katkam i khana ka bei u hadien wa jia da lai li yah nyngkong ko oo cha Ummulong CHC wei hadien wa dep leh X-Ray da phah lai ki cha Jowai Civil Hospital Ialong wei hadien won cha Woodland WK Hospital kiwa da ong wym ye ki u smaar yeini, kamtæ da poi noh ko cha Dr. Norman Tunnel Hospital Jowai hei janmiet yong ka 25 tarik wei ki Doctor kani ka Hospital da pyrchang ki wow e sumaar.

Ki Doctor kamjooh ki Nurse kiwa da kreh chitom wei embyntalang neibynta u sai ya uni u Pin ha katai ka miet kynthup nadooh u Dr. Benne wa u Dr. Chilling, ki Anaesthesia wa yahkhmat da u Dr. Ritchie wa u Dr. Jonathan, neitæ ki Paediatrician u Dr. Nisalan, u Dr. Prince deilang ka Dr. D. Nongpluh, Medical Superintendent ka Dr. Norman Tunnel Hospital Jowai.

Related posts

Thied u khon u Mukesh Ambani ya waroh ki syiar wa kit kawi ka kari yow pynlait im ki

April 1, 2025

Da sdang i kreh ya ka Shillong College Extension ha Laitlyngkot

April 1, 2025

Hei yaklam wa ki Doctor kani ka Hospital wa kynthup ka Medical Superintendent khana ko, ini i jia toh iwa rap phær wei iwa nyngkong nadooh wa em ko ha kani ka Hospital, neibhah boonsien hi jooh chem ki kiwa psiah toh du hadooh u chyoh namo u Pipe baam, tangwa ha kani ka sien won chem ki wa psiah cha u Pipe la-ær riñ mynsien wa dapoi chadooh cha rupai wei uwa da jan psiah leh cha ki sner tangwa embhah ym pu em psiah lut u waroh wow kset yei riñ mynsien u khynnah.

Kamtæ pynsñiaw ko i sñiawngooh ya u Blai wa da emlang u wa ki Doctor kiwa da ye u sai ya uni u Pin, wei ye u pynlait leh ya uni u khynnah nei wit wa em hei doh yong oo.

Uni u khynnah leh da yoh liwan yung u ynne ka sngi ka 27 tarik hi.