Saitkhooid u Shakliar yeiwa chah pynbaad wa tlot i pynkhreh ya ka Meghalaya Games ha Jowai

Ynne ka sngi u Montri ka chnat Sports & Youth Affairs ka jylla, u Shakliar Warjri da ong u wa na waroh ki lympung Meghalaya Games, dang ha kani ka sien wa nyngkong wa pynman ya ka Curtain Raiser neibynta kawa daw pynman ha Jowai.

Da ong u leh wa daw pathai paidbah chooh ya ki khubor heiyatoh wa kani ka lympung ha ki sngi wow wan wei i kreh heiyatoh wa ini dang lai i chaaid chaaid.

Neiliang ki seiñ yalehke namo ki Sports Association na Ri-loom Jaiñtia da beiñ ki deiwa ong wa i pynkhreh ya kani ka lympung ha Jowai man iwa tlot iwa duna bha.

Heiyatoh wa ini, u Shakliar da ong u wa emkaam u pait katkam wa emkaam. Chooh chooh da ban u wa leh u yei kaam katkam wa dawa i thaw.