Shillong: Chi sngi nawa sdang ka yakhih kiwa sikai SSA wow dam u kreh khlem booh por hapoh ka lama ka Meghalaya SSA School Teachers Association, ynne ka sngi da pynbna wa da pynkylla noh ya ka yakhih deiwa pynyeiñ lama yong wa i chah thngan wa le sngi.
Hawa yaklam wa kiwa thoh khubor u President ka MSSASTA, u Aristotle Rymbai da ong u wa i daw wa rai u kylla yei yakhih toh neidaw wa kyrpad ki bei ki pa ki khynnah wa puræ wa daw ktah joor ko ya ki khynnah puræ.
Da ong wa lada ka sorkar ym ap ko yei dawa na ka sorkar daw pynman ya ka chah thngan wa le sngi nadooh ka 26 hadooh ka 28 tarik uni u bnai wei daw pynbood sa ka lai paidbah deilang wa ki bei ki pa yong ki khynnah skur.
Ha iwi tawan i liang, da boh ki bor District yei yah khynnah ki dhkot ka MSSASA ha ka yalai paidbah wei wa da jubab ki wakreh yong ka seiñ wa da pyntip ki wa daw yah ki wa ki khon yong ki heipor wa yakhih ki.
Hei yatoh won wei dam skur ki khynnah SSA kiwa sikai da kam ki wa da pyntip ki cha kiwa pyllai skur. Wei da e por u DC chi tayaw wow pynche yeini.
Also Read: Neidaw wym mano ka sorkar u khang noh ki skur SSA nadooh ka 18 tarik
Discussion about this post