Maham ka BJP wow rah cha ka yung bichaar ya kiwa pynhær ya ki khubor wa pyrchah Khristan ka BJP

Shillong: Ka seiñ BJP Meghalaya da maham ko wow ujor cha u SP ka East Khasi Hills pyrchah ya ki bru wa pynhær ya ki khubor wa ka BJP pyrchah ko ya ki Khristan lyngba ya ki Social Media.

Neiliang u President ka BJP ka Meghlaya, u Shibun Lyngdoh wa u Vice President u JA Lyngdoh yong ka seiñ da kyntaait ki wa ka BJP toh kawa pyrchah ya ka niam Khristan.

Neiliang u JA Lyngdoh da kam u wa ka Catholic Association da kyrpad ko na ki paidbah wow elaad ki ya ka BJP ha u 2018 neibhhah ka wym toh ka Party Hindu.

U Shibun Lyngdoh won da ong u wa i rukom kreh ka party toh wow pynthymme ya ka ri waroh kawi wow pynku ya ki paidbah waroh.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ka BJP ym em ko ya i thong wow leh beiñ ya ki Khristan wei ngait ko leh yei latlooid ki paidbah wow bood ya ki niam wa ngait ki.

Yow pynsakhiat yeini u National Secretary u Ram Madhav wa u Nilin Kohli uwa man kam u muktiar ka BJP deilang wa u montri ka jylla Assam u Himan Sarma daw wan pynche ki yeini ha ka 21 tarik uni u bnai ha Shillong kam chibynta wow pynkhreh ya ka Election 2018.