Ka Press Secretary ka White House, ka Karoline Leavitt da kyntu ko ya ki heh ka United Nations wow takit hadien wa sangeh syndet ka Escalator ha Headquarter ka UN heipor wa ku u President Donald Trump wa ka kurim u, ka Melania Trump ynnin i step ka 23 tarik.
Ya ini da yoh u riñ Video heipor wa sangeh ka Escalator wa em ha Entrance Hall ka yung krehkaam ka UN ha New York.
Da dawa wa lada em wa leh chynnam yeini emkaam u beh kreh ya ki wei wow takit yeini wa jia neibhah wa da em wa sñiaw ya kiwa kreh wa klam kyndeh wow pynsageh ya ka Escalator khnang wow pynbor ya u Trump u lai u dei kjat.
Kani ka Escalator da sangeh syndet ko wei ya ini da pyntikna da u Spokesperson ka UN, u Farhan Aziz Haq wei da pynkrehkaam biang ka mar hadien wa jia ini.
Manda sdang won u Donald Trump u klam hapoh ka UN, da sih sa ka Teleprompter kawa man ka kor wow pynyoo ya ki kyntien wow klam kiwa dadep pynkhreh chwa heiwa da pynsñiaw u yei chrai ya uwa pynkrehkaam ya kani ka Teleprompter.
Hawa e yei klam iwa jrong kamwa chikynta haroh hajrong kiwa boon ki phang, da kyntu u ya ki ri wow khang ki ya u pood ki deiwa dam noh u pdiang ya ki bru wa yut chnong kiwa daw pynsih ya ka ri ki deiwa e nongmuna u yeiwa jia ha Europe kattæ.
Da kam u leh wa da pynsageh u ya 7 tylli ki thma wei da toh u yoh u ya ka Noble Peace Prize.
Discussion about this post