Sangeh ka SPA wow e yarap poisa ya ka tnat Horticulture

Shillong: U Montri Rangbah ka jylla, u Conrad K Sangma da ong u hapoh ka yung dorbar, wa ka sorkar pyrdi da pynsangeh ko ya ka Special Plan Assistance (SPA) neibynta ka tnat Horticulture ha ka jylla.

Hawa yarap wow jubab ya u montri ka tnat Horticulture u Banteidor Lyngdoh, ya iwa kylli u MLA ka Mawphlang u Syntar Klas Sun, u Conrad da ong u wa ka sorkar pyrdi da pynsangeh ko wow e yarap poisa na ka SPA dang ini wei neiliang ka sorkar jylla daw pyrchang ko wow pynkrehkaam da ka poisa na ka muna tyngka ka sorkar jylla hi neibynta wow chna ya ki yaaw neibynta ki warep.

U Montri da pyntip u leh wa ha ka Post Harvest Management, em ki scheme wa kynthup ya ka Agriculture Marketing Scheme, Fruit Processing Scheme, Special Plan Assistance Scheme wa ka Lay-by market.

Chwa ini neiliang u Banteidor ym ye u wow jubab yeiwa da kylli yeiwa da pynrap leh da u MLA ka liang pyrchah u HM Shangpliang, u Charles Pyngrope wa u Zenith Sangma kiwa da pynsñiaw yei wym hun ki wei da kwah ki yeiwa che.