Ka Confederation of Meghalaya Social Organizations (CoMSO) Jaiñtia Hills Region hei yahkhmat u Sambormi Lyngdoh kam u Vice Chairman ka CoMSO Jaiñtia Hills, ynnin ka sngi da lai e dorkhat ki cha u CEM ka JHADC, u Thombor Shiwat deiwa kdaw ya 5 tylli ki phang wa emkaam nadooh i pynbait yei rukom e Trading Licence kamjooh ki Hawker License ya kiwa chongdai cha rood sarok wei wow yada ya ki tre chnong kiwa khih wa khayi hapoh Jaiñtia Hills.
Ka COMSO da ong ko wa kini ki dawa toh yow lait u kylla dur ka chnong ka thaw deiwa wan kiwa na baar neibhah lada ym biang ki kyndon wa pait yei khayi pateiñ daw ktah ko ya ka imlang sahlang.
Kamtæ da ong wa kini waroh toh kiwa da pynkit ha ka District Council katkam ki kyndon ka Sixth Schedule wei da toh wow dam noh chisiendon wow e Trading License kamjooh wow pyndam ya ki Hawker License wa da e cha ki dkhar namo ki Non-Tribal kat wym pu ye u pyntikna thij pa thij ya kini kiwa yaleh License toh kiwa neiwon.
Da dawa leh wow em i krehlang ki pulit, kiwa pynlai chnong yow pait u sylli ya ki kot ki sla kini kiwa yaleh License.
Discussion about this post