Ka Meghalaya da ye ko wow pyntam le sien tangwa da kut ka yalehke pyrchah ya ka Punjab da 3-3 ha ka Group B ka National Football Championship ka Santosh Trophy 2025-26 ha Dhakuakhana, Assam ynne ka sngi.
Ya ka Meghalaya da thap kool da u Owanijuh Pajuh (35′), u Babysunday Marngar (69′) wa u Deibormame Tongper (78′) katwa ya ka Punjab da thap da u Jagdeep Singh (60′), u Himanshu Jangra (71′) wa u Harmanpreet Singh (81′).
Hadien ar tylli ki yalehke, ka Meghalaya da em ko hei wa ar ha kani ka Group deiwa em mar 4 Point wa ka Kerala.
Ka Meghalaya kattu daw yachem ko wa ka Services ha Silapathar ha kani ka 27 tarik heipor 2:00 waje i sngi. Ka Services da em ko hei wa soo deiwa yoh 2 Point na ar tylli ki yalehke.
Discussion about this post