I lai luti ka Meghalaya ha ka Senior Men’s National Football Championship ka Santosh Trophy 2024-25 da kut noh ko ynne i miet deiwa rem da 2-1 ha ka Services ha ka yalehke Quarter Final wa khaddooh wa pynman ha Hyderabad.
Ka Services kawa man kam ka Defending Champion da thap ko ha ka kylla step wa ha ka kylla miet lyngba u Thingnam Bidhyasagar Singh (33′) wa u Rahul Ramakrishnan (46′) deiwa bakla kiwa yang dien ka Meghalaya, tangwa ym em ieh jem ki heiwa da yoh ki wow pynuiñ chi kool lyngba u Overkindness L Mawnai (86′).
Ka Services kattu da jop ko la soo sien na ki san sien wa yachem ko wa ka Meghalaya ha ka Santosh Trophy.
Ha kani ka samoi, ka Meghalaya da jop ko soo sien, ya Drawn ko le sien wei da rem ko ar sien.
Kiwi kiwa jop ynne ha ki yalehke Quarter Final toh ka Kerala da 1-0 ya ka Jammu & Kashmir. Ynnin ka West Bengal da jop ko ya ka Odisha da 3-1 katwa ka Manipur da jop ko da 5-2 ya ka Delhi.
Waroh soo kiwa psiah Semi Final toh kiwa da jop ya ka Santosh Trophy ym duna ya chisien.
Discussion about this post