Ka Meghalaya da rem ko da 1-0 haka Punjab ha ka yalehke wa khaddooh ka Group A haka Senior Men’s National Football Championship ka Santosh Trophy ha Manjeri Payyanad Football Stadium, Kerala ynne i miet iwa da pynkut leh yei lai e reiñ.
Hadien soo tylli ki yalehke ha ki 7 sngi, ka Meghalaya da yoh ko wow thap 8 tylli ki kool ha ki 3 tylli ki yalehke chwa ynne.
Ka yalehke ynne da kut ko khlem em wa thap kool ha ka kylla step, heiwa ka Meghalaya da chah thap ko chi kool ha ka minit wa 47 lyngba ka Amarpreet Singh hanla ka Meghalaya da mut ko jan wa Offside u Amarpreet tangwa ym em rah lama u Assistant Referee.
Hadien soo tylli ki yalehke ka Meghalaya da yoh ko 4 Point, 3 Point deiwa jop 3-2 yaka Rajasthan, 1 Point naka 2-2 waka Kerala.
