Ka 1st Division ka Saipung Block Sports Association (SBSA) da man ko kawa lai chakhmat kawa da sdang nadooh ka 13 tarik uni u bnai ha chnong Lamyrsiang heiwa ynne da pynman ar atylli ki yalehke.
Ha ka yalehke wa nyngkong, ka Lelad SC da yachem ko waka Mulait Bri Sumer United kawa da kut da 1-1.
Ka Mulait da yoh ko wow thap kool nyngkong ha ka minit wa 51 lyngba u Rimon Lamurong tangwa ka Lelad won da pynuiñ ko ha ka minit wa 70 lyngba u Kampher Dkhar.
Ha ka yalehke wa bood, ka Larket SC da jop ko ya ka Evanylla da 2-1 da ki kool wa thap u Dasarokmiki Dkhar ha ka minit wa 10 wa u Heplang Salahe ha ka minit wa 34. Ya ka Evanylla da thap da u Sanjoy Bareh ha ka minit wa 46.
