Ki yalehke ka Super Division ka Saipung Block Sports Association (SBSA) wa pynman ha chnong Lamyrsiang da pteiñ biang ynne ka sngi da ar tylli ki yalehke.
Heipor 11:30 i step, ka Latyrke SC da yachem ko waka Lakasein SC heiwa ka Latyrke da jop ko da 5-1.
Ya ka Latyrke da thap kool da u K. Lalchhuansanga ha ka minit wa 6, u Lamin Amdep ar kool ha ka minit wa 8 wa 72, u V. Hmar ha ka minit wa 39 wa u R. Khawbung ha ka minit wa 56. Ya ka Lakasein da thap da u Nidaioh Dhar ha ka minit wa 77.
Ha ka yalehke wa bood wa pynman hapyrdi ka Jarain SC waka Thluh SC, ka Jarain da jop ko da 2-0 da ki kool wa thap u Lalkro Peka ha ka minit wa 30 wa u Emarson Lyngdoh ha ka minit wa 46.
Ka yalehke mynstep u man ko hapyrdi ka Mochut Pyrdung waka Jalapher Bri Sumer heipor 2:00 waje i sngi.
