Ka KSU EJHDU ynne da lai ko wow pynsangeh yei kreh yow chna ya ka Temple ki Hindu ha pchem ka District Court Khliehriat iwa em leh hajan ka yung krehkaam u DC ka East Jaiñtia Hills.
Yeini da lai pynsangeh hadien wa da tip wa da thmu wow chna yabor ya kani ka Temple deiwa rah thaw rap chadien kajiak nei thaw mane yong ki kawa tyngkhooh wa ka kynroh ka Khliehriat District Court.
Ka seiñ da maham ko leh wa lada dang pynkreh daw hap wow bahkhlieh da kiwa e hukum ya iyi wow jia. Neiliang ka seiñ da lai ko leh wow yachem wa ki bor District wa toh u pait yeini tangwa ym em yoh ko wow yachem wa kiwon kiwon tangwa da yoh wow Phone cha u DC uwa da khyrngiat wow tip yeini.
Kam wow pynkynmoo wa ka seiñ ini wadep da yoh ko wow yaklam hajrong ini i kaam wa u DC uwa da kular wym chah u lai chakhmat u chna yeini wei wow pynneh ya ka “Status Quo” wei da em leh ka hukum wow phah pynsangeh yeini.
Ka seiñ dadep ko leh wow booh da ka RTI hajrong ini tangwa hadooh 35 sngi leh ym pu em wa e jubab wot hadien wa da e da ka First Appeal iwa da yoo lakam wa em iyi re iyi cha kylla.
Kamtæ ka seiñ da ong wa kani ka thaw toh ka thaw sorkar wei kammon u chna thaw mane ha i thaw sorkar.
Discussion about this post