Katkam ka yutip wa da yoh na ki pulit da khana wa ki damok kieñ suloi ka GNLA da sdang biang ki wow pynlang paaid hadien kattu katni snem heiwa katkam ka chithi na u Dy Superintendent of Police (DSB) ka West Garo Hills, da em i pynman ya ki yalang ha ki kattu katni ki thaw ka Ri-Loom Garo wow pynlang ya ki khynroo wow psiah cha kani ka seiñ.
Kini ki yalang toh kiwa da pynman ha ki thaw kam ha Jadi, Nongal wa Chalang yow khut ya ki khynroo wow psiah ki chapoh kani ka seiñ.
Kani ka chithi wa da phah da u DSP cha waroh ki OC wa ki IC ka West Garo Hills District, da em wa pynlait ka ha ki Social Media wei da poor bha ko heiwa da ong wa em kamwa 500 ngut ki khynroo kiwa da lai chah hikai ha Nagaland wa Burma deiwa suba wa da kyrchaan poisa da ki heh spah.
Ya kani ka chithi wa da phah cha waroh ki sahep pulit ka District toh wow pynsakhiat wei wow takit yeini waroh kamjooh leh wow booddien yei lai i wan kiwa da pyndem suloi wa kamjooh kiwa wyrai ya ki wa kiwi kiwi kamjooh wow pait ya ki mahajon khnang wow ye u leh yeiwa emkaam.
