Shillong: U montri ka tnat saam um (PHE) ka jylla, u Samlin Malngiang da beiñ joor u yei chah theh mobil ka top um kawa em ha Nongkseh, deiwa beiñ ya ki bru kiwa leh khiar kiwa ymtip de wow pyrkhat lang ya kiwi.
“Mar ya yoh yutip ya ini i jia nga da phah O ya u Chief Engineer wow pynman ya ka takit kawa bniah hajrong ini wa jia, wei lada ye u man ko kawa bakla donhi wei haap yang chwa i ya ka takit wei lada emkaam, ka tnat wow ujor leh pyrchah ya kiwa emkti,” da ong u montri.
U Malngiang da kyntait u leh wa kani ka mobil ye ko wow tooid na ki karkhana chna kari wa na kiwi ki thaw, “Da man ko i leh khiar da ki bru kiwa em yei mynsien ksuid khlem pyrkhat de ya i yap i im ki paidbah wa dih ya ka um,” da ong u.
Da ong u leh wa ka tnat PHE boonsien ka kær wei tymmmoh ko ya ka top um khnang wow lait na i pyntngit ya ka um.
“Neini chakhmat ka tnat daw pynjoor ko yei sylli yei psiah i mih cha kani ka thaw pynlang um khnang wa kam ini i jia ym jia de ki,” da ong u Malngiang.
Heiyatoh won wa i takit ki pulit, u SP (City) ka East Khasi Hills, u Steve Rynjah da pyntip u wa ki pulit da sdang chem kse ki ya ki bru wa emkti ha ini i kaam.
“Da chem kse i wa ye u man ki bru wa sah ha kani ka thaaiñ kiwa emkti wow leh ya ini i kaam wei da yoo ya ki dak wa em wa tympiah ya u tala wei da pynemkaam leh da ka yingkieñ,” da ong u SP.
Discussion about this post