15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Sdang i e dawai Pulse Polio ha East Jaiñtia Hills District

0 Comments
Advertisement ad1
Advertisement ad1
Advertisement ad1

U Deputy Commissioner ka East Jaiñtia Hills District, u F.M. Dopth ynne ka sngi da yahkhmat u ya ka Intensified Pulse Polio Immunisation (IPPI) Programme namo ka pynjoo dawai Polio.

Ha kani ja sngi da emlang ka Dr. J. Lakiang, District Medical & Health Officer, East Jaiñtia Hills District, Khliehriat, Dr. C. Tariang, Medical & Health Officer of 100-bedded Hospital Khliehriat wa ki wakreh ka chnat i chait i khiah.

Kani ka Intensified Pulse Polio Immunization toh ka thong krehkaam ka sorkar pyrdi wow pyndoohjait ya i kjut Polio ha waroh ka ri deiwa pynjoo dawai ya ki khynnah kiwa hapoh 5 snem i rta. 

U Dopth hawa e i klam ha kani ka sngi da kyntu u ya ki manbei wow wan e dawai ya ki khon yong ki.

Da pynchlur u leh ya ki wakreh ka chnat wow ye ki u kreh ha i rukom khnang wa u myntoi waroh kiwa hapoh ka District. 

U Deputy Commissioner da pynjoo u leh ar joo i dawai Polio Vaccine ya i khynnah wa 3 le snem wa i biah sia ha ka pariamkti tidiang ini i khynnah kam ka dak wa da sdang kani ka e dawai hapoh ka District.

Kani ka e dawai u man ko nadooh 20 hadooh 22 tarik uni u bnai. 

Share this:
Previous

Na i Urdu rai ka sorkar wow thoh ya i pyrtuid ki station rel cha i Sanskrit

Next

Mih noh kiwa kitkaam wa ki dkhot ka seiñ UHM-EJH