Jowai: I pyndap ya ka U-DISE FORM hei rukom watoh wabiang man ko kawi na ki bynta wa kyrpang yong ki bor watoh u pait u yoo ya ki thaw puræ wa em ha ki kyrdan waphær waphær. Kamtæ hajrong ka thong wow man i rukom pyndap ya ka U-DISE Form iwa yahaap katkam i kwah ki bor pait bor pyllai yong i puræ puthi ha ka sorkar India, ha ka sngi Pynsiñ 25 tarik u Naichiphaw ki bru na District Mission Coordinator, SSA West Jaiñtia Hills da chimkhia ki wow pynman yei e sikai kyrpang neibynta ki bru ka SSA kiwa em ha ki Block kamjooh ha ki Cluster Level.
Ya kani ka program datip kam ka Training For BRP”s & CRP’son Data Collection In Sync with U-DISE 2018-19 heiwa dawan yachimbynta da ki bru ka SSA kiwa toh u pait u yoo kyrpang ya ki thaw puræ wa em ha ki Block kamjooh ha ki Cluster Level.
U Bimmi L.Suwer, District Coordinator Programmer, SSA West Jaiñtia Hills kam uwi na ki bru chemphang wow e batai chaphang kani ka Students Data Collection In Sync with UDISE, da khana u wa dang em chiboon i duna wei bakla ki bor pait bor pyllai ki skur heiyatoh wei rukom pyndap ya ki U-DISE FORM 2017-18 heiwei i bakla yongki man i dooh myntoi ki khynnah, ki skur kamjooh hi ka District waroh kawi, kamtæ da kyrpaad u ya ki BRP’s wa ki CRP’s wow bniah bha ki yei rukom pyndap ki bor pait bor pyllai ki skur ya ki U-DISE FORM 2018-19 khnang yow myntoi ki khynnah, ki skur kamjooh ka District.
Nalor u Bimmi L.Suwer kiwi tawon kiwa da batai ya kiwa yachimbynta heiyatoh wei rukom pyndap ya ka UDISE FORM toh u Nangroi Kma, Coordionator Civil Work, SSA, ka D. Khyriem, MIS, Jt.DMC, SSA Amlarem Block wa ka Monica Dkhar, Block Resource Person-Inclusive Education, SSA-Laskein Block.
Discussion about this post