15 49.0138 8.38624 1 0 4000 1 https://wyrta.com 300 0

Pdiang sñiawbha ka MPCC ya u Himalaya Shangpliang cha ka Congress

0 Comments
Advertisement ad1

Shillong: U Himalaya Muktan Shangpliang ynne ka sngi da psiah noh u cha ka Indian National Congress wei ya oo da pdiang da u Working President ka MPCC u James Lyngdoh ha ka yalang kawa pynman ha Congress Bhawan.

U Himalaya toh u sahep ka Indian Administrative Civil Services (IAS) uwa da chong ngiah mon sñiawbha noh da ka Voluntary Retirement Scheme (VRS) khnang wow ye u u yakhun Election MLA na Mawsynram Constituency.

Advertisement ad1

Hei sakhiat dang sah sa kamwa 6 snem wow kreh u hapoh ka sorkar tangwa da rai u wow ieh kaam yow ye u wow yakhun Politics.

Ya u Himalaya da synran da ki dkhot ka Congress na Mawsynram hei emlang ki waheh wa kynthup ya u MLA warim u DP Iangjuh wa kiwi kiwi.

U Himalaya hei klam da ong u wa i daw wa psiah politics u toh wa angnood u wow chakri ya ki paidbah. Da ong u wa ha kini ki chiphaw snem, ka Mawsynram man ko kawi na kiwa dooh tam hapoh ka jylla wei kjut mynsien u wow yoo yei chitom wa chem ki paidbah.

Da ong u wa daw lai u cha ki paidbah wow yasaaid ya ki le tylli ki phang kiwa kynthup ya i chait i khiah, ka puræ puthi wa ki sarok wa bha.

Da yaroh u leh ya u Dr. Mukul Sangma kam u montri rangbah wa man u uwa chkeh uwa da ye u pynneh ya ka sorkar, i chongsuk chongsaiñ ha kini ki snem waroh.

Hei yatoh wa u Pynshngain N Syiem u MLA wa u CEM ka KHADC, u Himalaya da ong u wa lada kwah u yoo yeiwa da leh uni u MLA ha kini ki 10 snem, u man i iwa miat deiwa lai pait ya ki chnong ka Mawsynram yow chem yeiwa sakhiat.

Hawa kylli won kammon sñiaw u wa em kiwa khut ya u Pynshngain kam u “Hero”, u Himalaya da ong u wa iwa bha toh wow kylli na ki paidbah khamtam kiwa na Mawsynram yow tip ya ki kaam yong oo.

Advertisement ad1

0 Comments

Leave a Reply