Ka Public Hearing ka Shree Cement kawa da booh wow pynman mynstep ka 31 tarik, pyn ynne ka sngi da em i khang luti da ki bru kiwa chong chnong ka Shnongrim wa haap hapoh ka Elaka Nongkhlieh.
Neliang ki bor pulit deilang ki bru ka Pollution Board da mih ki wow lai cha ka thaw pynman Public Hearing nadooh ynne ka sngi deiwa pyrkhat yeiw jia ini wa dep heiwa da hap wow lai kjat jngai bha neidaw wa em boon i chah khang ki luti syngkieñ.
Ynne won manda poi ha kani ka thaw, kiwa chong chnong ka Shnongrim da booh ki da ki moo wa kiwi de heiwa ki pulit kiwa wan leh ym lait ki wow lai.
Kiwa chong chnong da kylli ki wa ileh wa da wan smat wei lada won ki mynstep ym khang ki wei hadien wa da yaklam neiliang ki pulit da phah kyrriah ki ya ki moo wei da yoh ki wow lai deilang kiwi de.
Kini kiwa chong chnong da ong ki leh wa da khang luti neidaw wa ki pyrchah ki ya kani ka Public Hearing kat wym pu ye u pynbait wei yaklam hajrong i chah ktah ka rep ka riang yong ki wei ya ka Public Hearing da mut wow pynman ka dei bor.
U Phrangsngi Sutnga uwa na Shnongrim hawa klam da pynsñiaw yeiwa khang luti heiwa da ong u wa ki pulit wa ki bru sorkar da leh ki dei bor yow lait bait cha kani ka thaw.
Kam wow pynkynmoo wa ya ka Public Hearing da booh wow pynman heipor 8:00 waje i step.
Discussion about this post