15 49.0138 8.38624 1 1 4000 1 https://wyrta.com 300 0

Sdang i lehkmen dap 100 snem ka Yungwalieh ka Chilliangraij Jowai

0 Comments

Jowai: Ka chnong Chilliangraij, Jowai ynne ka sngi da sdang ko yei lehwarom wa dap 100 snem pura yong ka Yungwalieh ka chnong ya kawa da sdang nadooh u snem 1919.

Ya kani ka Yungwalieh da chna ha u snem 1919 dei mynjur ki soo kyntoit wa kynthup ya ka Khiehshnong, Rumshnong, Umchangiar wa Moosyiem yow man noh kam kawi ka chnong.

Hawa sdang, ka chnong da em ko jar jiar ki kyntoit wa khian kiwa man kiwa chipor tangwa neidaw wa man ki kiwa chipor wei wa dang rben ki khloo man ki kiwa chah ktah ha ki mrad wa ka rymaw, iwa pynbor ya kiwi ki manyung wow yut chnong.

U Adviser yong ka chnong u T. Pde ynne ka sngi da khana u ya ka parom wa sdang chna ya kani ka Yung-yonglang nadooh u snem 2002 lyngba i yarap na kiwa mihkhmat waphær waphær nadooh ki MP, ki MLA, wa ki MDC kamjooh leh ki khon ka chnong.

U kongsan ha kani ka sngi u W. Nongseij MCS, Director Art & Culture ka sorkar jylla da yaroh u yeini i dap 100 snem pura kani ka Yungwalieh deiwa ong wa man ko ka bynta ya kiwa chong chnong wow saiñ dur ya ka mynried yong ki katkam ki sap wa em ha ki hajrong wa esikai ki ya ka pateiñ wa bood.

Da e yumut u leh ya ka sorkar wow pynkup burom ya ki chnong kiwa man kiwa khooid wa jngiar wa kiwi kiwi.

Kiwi kiwa da klam ha kani ka sngi toh u Dolloi ka Elaka Jowai u Puramon Kynjiñ uwa man kam u symbood kongsan, u President ka Seinraij Jowai u O.R.Challam, u waheh chong ka Chilliangraij u D. Pde, u D. Lamar wa kiwi kiwi.

Da pynphooh ya kani ka sngi da ki rwai wa ki chaad wa ha rukom.

Advertisement ad1

0 Comments

Leave a Reply