15 49.0138 8.38624 1 0 4000 1 https://wyrta.com 300 0

Advertisement ad1

Sdang i lehkmen dap 100 snem ka Yungwalieh ka Dong Panaliar, Jowai

0 Comments

Jowai : Chispah snem nachwa ka Dong Panaliar ha u snem 1916 da sdang ko u pynemkaam ya i yungwlieh næ ka yung dorbar yong ka kawa skem kawa da sap da ka tin wei ynne ka sngi da sdang yaka sngi pynemwarom yaka lehkmen wa dap Chispah snem.

Ha kani ka sngi ha Yungwalieh ka Panaliar kawa da dap sbak da wan wai yaka da u Chief Secretary ka jylla u KS Kropha kam u Kongsan hei yaemlang ki heh sorkar, ki heh ka chnong ka thaw wa kiwi kiwi.

100th-panaliar4

Ya kani ka sngi da pyllai da u ma Juhhi Nanghuloo waka Heinima Thma wei hachwa u sdang da wai sahkynmoo ya kani ka sngi da u ma Kropha iwa da pynbood yei pynkupburom yaka kong Desila Sumer kawa man kawi na kiwa heh dooh i rta hapoh Panaliar kawa da em 98 snem i rta. Da yoh yei ngooh i dem na u Treasurer ka dong, u ma Dawanpoi Passah.

100th-panaliar3

100th-panaliar2

Hadien ini da yoh yei klam na uwi na kiwa thohkot wada pawnaam na ri-loom Jaiñtia u ma SQ. Sumer uwa da kyntu ya ki khon ka dong yow yaleh ki u wanrah yei naam i pyrtuid ka chnong kamwa da yah na kiwa rim wajah.

100th-panaliar1

Neiliang u ma L. Shylla uwa jooh man leh kam uwi na ki President warim yong ka dong Panaliar da khana u yaka parom ka dong heiwa da khana u wa nachwa ki ya ki liar ki dooid na kylleiñ ka chnong Jowai jooh pynkai yaki na Panaliar wei man ko ka thaw wa sma wa tung ka thaw kawa kai ki jhep na kiwa boon bynta ka chnong Jowai.

100th-panaliar11

Yaka Panaliar jooh tip leh kamka Pohlangsyiñ wei kiwaheh wa sian dei chemsap chemphang ki da pynkylla dur ki yaka kamwa jooh yoo i wa man ko ha kini ki sngi. U ma Shylla da pyntip u wa nachwa yaka yungwalieh da chna dei trep wei manda pyndep yaki kaam jooh sliah wot yaki hadien ki Baamphalar, Sukra, wa kiwi kiwi. Da khana leh wa hadien ki snem 1914-16 da pynmiat biang yaka ha u snem 1947-48 weiwa yei dur wa em ko katni da sdang u chna nadooh u snem 1991.

U Chief Secretary kam u kongsan da ong u wa i ieh i khoo i sñiawsih i sñiawbha ha ka imlang sahlang ye u pynbiang pyntoh du haki yung dorbar ka imlang dahlang kam ka Yungwalieh.

100th-panaliar6

100th-panaliar7

Heijooh i por da ong u wa sñiawkmen u wow tip wa ki khon ka dong da tyrchaaiñ ki ha ki liang wanang la hei puræ puthi, i chakri paidbah, wa kiwi kiwi kiwow wanrah yei roi i par ya ka imlang sahlang, ka jylla wa ka ri waroh kawi. Weiwa da yoosuk u leh yei pynemburom yakiwa heh wasian ha kani ka sngi neibhah ini pynyoo i wa dang khlan i yatylli kawi pa kawi ka manyung neibhah hanlada man i ki bru loom kiwa duna neiliang ka spah deiwa yakyrchaan uwi yow wi ym yoo i yakiwa chah iehbeiñ cha sarok.

Da kynmoo u leh ya kipor wa man u kam u DC ha ki snem 1988-1991 heiwa ki tre dong ka Panaliar da ong ki wa yarap u wow chna yaka Yungwalieh neibhah da pyrchang u wow pynbiang yaki tin wow tymmoh yaka tnoom kani ka yungwalieh.

Ha kani ka sngi da em leh ki chaad wa ha rukom wada pynkhreh daki khon ka dong wa ki manbei wei hawa kut da yoh yei kyntien makhane na u General Secretary ka Panaliar, u Careme Phawa.

100th-panaliar5

100th-panaliar8

Advertisement ad1

0 Comments

Leave a Reply