Jowai: Hadien kamwa 2 sngi i joor u slap waka la-ær wa wanrah da u Cyclone Fani wei ynne i sngi ka jylla da yoh ko wow yoo biang ya ka sngi wei kamjooh u sdang pynchna wei wow antaad hadooh katwon ktah u slap waka la-ær.
U Deputy Commissioner ka East Garo Hills da pyntip u wa ki chnat sorkar kam ka PWD, MeCL wa Forest man ki kiwa kreh chitom yow kyrriah ya ki dieñ kiwa da haap cha luti syngkeiñ, u pynbiang ya ka bordiñ wei wow pynkhooid ya i oor khyndaw wei ki bru paidbah leh da yarap lang ki yow smat u pyndep yei kaam.
Ha West Garo Hills da chah ktah ki yung wa em ha thaaiñ Burney, Dobasipara wa Watregre wei da embhah ym em wa mynsoo, ki sahep ka Block dang pynkhreh ki ya ka bui (Report) hei yatoh wa ini.
Ha Tura won chibynta i chram wa em hajan ka District Court da oor i.
Ha Shillong won da em ki yung wa chah ktah nei oor i khyndaw ha Riat Laban wei ka la-ær wa joor da khyndang ko ya ka Signboard ka dukan Vishal wa em ha Police Bazar, Shillong wei da haap ko ha ki kari wa pynyeiñ wei da em leh boon ki dieñ kiwa da haap cha luti syngkeiñ.
Ha South West Khasi Hills District da pyntip wa em ki kattu katni ki yung wa em ha Mawsaw, Lawblei, Wahsiej, Mawbidong wa Mawthawpdah kiwa em hapoh Mawkyrwat C&RD Block.
Ha chnong Mukhla Nongrim, WJH i yung yong ka Meda Sari ha Mukhla Nongrim da chah khyndang i haka la-ær ynnin ka ka sngi tangwa embhah ym em bru hapoh yung heipor wa jia ini waroh.
Ya yukheiñ yei waroh wa chah ktah dang yang wow yoh naka sorkar.
Discussion about this post